Shkruan Avni Selmani

“VIP Shpija e Kosovës” ishte versioni i veçantë i reality show-it “Shpija e Kosovës”, që u transmetua nga KTV prej 1 prillit deri më 1 maj 2009. Në këtë edicion morën pjesë figura të njohura të skenës artistike dhe mediatike shqiptare, të cilët garuan për një çmim prej 50,000 eurosh, që do t’i dhurohej një familjeje në nevojë.

Në mesin e pjesëmarrësve ishin Stupcat (komiker-trio Thuprat), Agim Gërguri, Bertan Asllani, Drenusha Latifi, Fatos Kryeziu, Kastro Zizo, Rezarta Shkurta, Big Mama, Rozana Radi dhe Afroviti Goge.

Programi u dallua jo vetëm për popullaritetin dhe karakterin e tij human, por edhe për debatet e forta mes pjesëmarrësve. Një nga momentet më të përfolura ishte përplasja e ashpër mes Rezarta Shkurtës dhe Rozana Radit, që u kthye në një nga ngjarjet më të komentuara të edicionit.

Fotografitë u realizuan në studion e fotografit Avni Selmani, i cili njëkohësisht ishte edhe fotograf zyrtar i këtij edicioni.

Fotot nga “VIP Shpija e Kosovës”, 2009

Photo by Avni Selmai