Në Durrës edicioni i 36-të i konkursit ndërkombëtar të bukurisë “Miss Globe International”, një nga ngjarjet më të njohura të këtij formati, i organizuar nga “Deliart Association” nën drejtimin e producentit Petri Bozo.
Për të gjashtin vit me radhë, Shqipëria pati nderin të mirëpresë këtë eveniment ndërkombëtar, që bashkoi 47 bukuroshe nga vende të ndryshme të botës në një garë të madhe që u zhvillua në Pallatin e Sportit “Ramazan Njala” në Durrës.

Fituesja e kurorës së këtij edicioni u shpall Samah Gahfaz nga Algjeria, një arkitekte 25-vjeçare e cila u vlerësua për elegancën, prezantimin dhe paraqitjen e saj të veçantë.
Shoqëruese e parë u shpall Monika Lewczuk nga Polonia, ndërsa shoqëruese e dytë ishte Arbnora Ademi nga Kosova, e cila solli një prezantim dinjitoz për vendin tonë në këtë skenë ndërkombëtare.

Spektakli u prezantua nga Elona Nallbani dhe Peter Bross, ndërsa në mesin e të pranishmëve ishin edhe drejtues të rëndësishëm të konkursit, përfshirë Ann See, Presidente Nderi dhe pronare e patentës së “Miss Globe International”.
Gjatë këtij edicioni u zhvillua edhe një takim i drejtorëve nacionalë, ku u vendos rinovimi i kontratës me producentin Petri Bozo për pesë vite të tjera, duke garantuar vazhdimësinë e evenimentit në Shqipëri.

Fotografitë zyrtare të eventit janë realizuar nga fotografi Avni Selmani.

Ky edicion i “Miss Globe” mbetet një ndër ngjarjet më të spikatura ndërkombëtare të zhvilluara në Shqipëri, si dhe një mundësi e rëndësishme për afirmimin e imazhit të Kosovës në skenën e bukurisë globale.