Shruan Avni Selmai

Këngëtaret Shkurte Fejza dhe Gresa Behluli publikuan albumin “Këngë Dasmash”, një projekt i realizuar 100% live, që bashkoi në një material të vetëm përvojën dhe zërin e njërës prej ikonave të muzikës popullore shqiptare me energjinë dhe stilin e brezit të ri.

Albumi përmban 13 këngë të dashura për publikun, si “Një flamur në maje t’shtëpisë”, “O luni luni me sevda”, “Kur t’i pash sytë me lara”, “Për gëzim në valle” dhe “Nëna dhe bija”, ku përmes vargjeve dhe interpretimit përcillen emocionet e gëzimit, dashurisë dhe fryma tradicionale e dasmave shqiptare.

Projekti u realizua me tekste nga S. Aliu, orkestrime nga R. Kryeziu dhe u incizua në studion “Eroll 5”, nën prodhimin e Azem Azemit, me bashkëpunimin e Kola Commerce dhe Eurolindi Produktion.

Fotografitë e albumit janë realizuar në studion e fotografit Avni Selmani.