Shkruan Avni Selmani

Këngëtari Shpat Kasapi publikoi albumin diskografik “Medikament”, një ndër projektet më të përpunuara muzikalisht në karrierën e tij. Albumi përfshin 9 këngë të zhanrit pop dhe baladë, që ndërthurin meloditë e ndjeshme me ritmet moderne të asaj periudhe.

Në përbërje të tij gjenden krijime si “Medikament”, “Ajo më mungon”, “Falje kërkon”, “Depresive”, dhe “Më jep një pikë ujë”, të cilat sollën një frymë të re në muzikën e Shpatit dhe u mirëpritën nga publiku në të gjitha trevat shqiptare.

Në realizimin e këtij albumi morën pjesë disa bashkëpunëtorë të njohur të muzikës shqiptare.
Tekstet janë shkruar nga Avni Qahili, Arsim Bunjaku, Fatos Lumani, Abaz Selmani dhe vetë Shpat Kasapi, ndërsa muzika dhe orkestrimi janë punuar nga Florent Boshnjaku, Bertan Asllani, Artan Kastrati, Ardian Kastrati, Gabro, Ocko dhe vetë Shpati, që njihet edhe për kontributin e tij si autor në disa prej këngëve.

Albumi u prodhua nga Bujar Avdimetaj, nën produksionin “Eurolindi”, dhe u shpërnda në bashkëpunim me ETC Trading Center, Elkos Group dhe Kola Commerce.
Fotografitë e albumit janë realizuar në studion e fotografit Avni Selmani.

“Medikament” mbetet një prej albumeve më të njohura të Shpat Kasapit, që shënoi një periudhë të rëndësishme në muzikën shqiptare të viteve 2010, duke u dalluar për tekstet, meloditë dhe stilin e tij interpretues.

Shpat Kasapi – “Medikament”
Tekstet: Avni Qahili, Arsim Bunjaku, Fatos Lumani, Abaz Selmani, Shpat Kasapi
Muzika & Orkestrimi: Florent Boshnjaku, Bertan Asllani, Artan Kastrati, Ardian Kastrati, Gabro, Ocko, Shpat Kasapi
Producent: Bujar Avdimetaj (Eurolindi Production)

Fotografitë promovuese të projektit janë realizuar në studion e fotografit Avni Selmani.