Shkruan Avni Selmani

Këngëtarja Aurela Gaçe publikoi albumin “Paraprakisht”, një ndër projektet më të guximshme dhe më të arrira të karrierës së saj. Ky album shënoi një kthesë të rëndësishme në stilin dhe qasjen artistike të Aurelës, duke e përforcuar imazhin e saj si një artiste që bashkon fuqinë vokale, origjinalitetin dhe vizionin modern në muzikën shqiptare.

Albumi përfshin 11 këngë, të cilat ndërthurin pop-in, rock-un dhe elementet e muzikës tradicionale shqiptare. Përmes këtij projekti, Aurela bashkëpunoi me disa nga emrat më të njohur të skenës muzikore shqiptare, duke krijuar një produkt që qëndron edhe sot si një ndër përmbledhjet më të plota dhe profesionale në diskografinë e saj.

Lista e këngëve dhe bashkëpunëtorët:

1. Origjinale (feat. Dr. Flori & Marsel) – Muzika & orkestrimi: Flori Mumajesi, Teksti: Flori Mumajesi
2. Më Jep Një Yyy – Muzika: Alban Kondi & Aurela Gaçe, Teksti: Dritër Begolli
3. Shpirt i Shpirtit – Muzika & orkestrimi: Adrian Hila, Teksti: Adrian Hila
4. Ca T’Hash (feat. Mc Kresha) – Muzika & orkestrimi: D. Dimitrov & Aurela Gaçe, Teksti: Mc Kresha
5. O S’Je Në Gjak – Muzika & orkestrimi: Adrian Hila, Teksti: Adrian Hila
6. Të Trazon – Muzika: Alban Kondi, Orkestrimi: Edlir Begolli
7. Tundë – Përpunimi muzikor: Marin Jancev, Teksti: Shejtan Saraci
8. Feel the Passion (Version Unplugged) – Muzika & Teksti: Shpëtim Saraci
9. Më e Mirë Jam – Muzika & orkestrimi: Dr. Flori, Teksti: Rozana Radi & Dr. Flori
10. Boom Boom Boom – Muzika & orkestrimi: Dr. Flori & Edlir Begolli, Teksti: Dr. Flori
11. Fantasy – Muzika & Teksti: Deep System

Ekipi realizues i albumit:

• Styling: Joni Peçi
• Design & Cover Art: Dardan Luta
• Produksioni: Albaflame
• Fotograf: Avni Selmani

“Paraprakisht” mbetet një nga albumet më të kompletuara të Aurela Gaçes, ku çdo detaj – nga muzika, tekstet, produksioni e deri te koncepti vizual – përbën një përvojë të plotë artistike që shënon një epokë të re në karrierën e saj.

Fotografitë zyrtare të albumit u realizuan në studion e fotografit Avni Selmani.