Shkruan Avni Selmani

Këngëtarja e njohur Afërdita Demaku publikoi albumin “Dashnor pa Dashuri”, një projekt që shënoi një ndër periudhat më të pjekura të krijimtarisë së saj muzikore. Albumi përfshin tetë këngë të reja me tematikë dashurie, ndarjeje dhe emocioni njerëzor, të interpretuara me stilin karakteristik të këngëtares, ku ndjeshmëria dhe forca vokale bashkohen në mënyrë harmonike.

Albumi u realizua nga Produksioni Eurolindi, nën drejtimin e Bujar Avdimetaj dhe Daut Avdimetaj, me mbështetjen e Elkos Group, ETC Trading Center dhe E-TV.

Këngët më të njohura të projektit janë Dashnor pa dashuri, Apaurin, Takimi i fundit, Qele zemrën, Hajde t’shkojmë në pushim dhe Thirrje anonime. Të gjitha këngët ruajnë stilin e njohur të Afërdita Demakut, duke ndërthurur melodinë tradicionale me tingujt bashkëkohorë dhe me orkestrime moderne.

Në këtë album bashkëpunuan muzikantë dhe kompozitorë të njohur të skenës shqiptare, që kontribuuan në krijimin e një produkti artistik me cilësi të lartë.

Fotografitë e projektit u realizuan në studion e fotografit Avni Selmani.