Shkruan Avni Selmani

Festivali Ndërkombëtar i Filmit në Prishtinë, i njohur si PriFest, u themelua pas shpalljes së pavarësisë së Kosovës me synimin për të promovuar imazhin kulturor dhe artistik të vendit. Edicioni i parë u mbajt në shtator të vitit 2009 dhe u bë një nga ngjarjet më të rëndësishme kulturore në Kosovë.

Nën moton “Fillimi…”, festivali u hap me prezencën e aktorës së njohur Vanessa Redgrave, e cila ishte edhe nikoqire e këtij edicioni të parë.

Themeluesit e festivalit ishin Vjosa Berisha, Orhan Kerkezi, Fatos Berisha dhe Faton Hasimja. Qëllimi i tyre ishte të hapnin dyert e Kosovës për botën e filmit ndërkombëtar dhe ta paraqisnin vendin si një hapësirë ku kultura bashkon, e jo ndan. PriFesti solli në Prishtinë filma nga vende të ndryshme dhe u shndërrua shpejt në një pikëtakim të rëndësishëm për regjisorë, producentë dhe krijues të rinj.

Në hapje u shfaq filmi “Lindje, Perëndim, Lindje” i regjisorit Gjergj Xhuvani, ndërsa pjesë e programit ishin edhe filmat “I Am from Titov Veles”, “The Living and the Dead”, “Correction”, “Opium War”, “Snow”, “Storm”, “Time of the Comet” dhe “Hush Your Mouth”.

Simboli i festivalit ishte “Hyjnesha e artë”, e frymëzuar nga figura arkeologjike “Hyjnesha në fron”, që përfaqëson trashëgiminë shpirtërore dhe kulturore të Kosovës.

Fotografitë e këtij edicioni u realizuan në studion e fotografit Avni Selmani, ku u bënë fotografitë zyrtare të festivalit.

Galeria e fotografive nga edicioni i parë i PriFest 2009

Aktorja Vanessa Redgrave

Photo by Avni Selmani

Aktorët e filmit “Lindje, Perëndim, Lindje”, në PriFest 2009

Regjisori Gjergj Xhuvani

Photo by Avni Selmani

Aktori Ndricim Xhepa

Photo By Avni Selmani

Aktori Helidon Fino

Photo by Avni Selmani

Aktorja Valina Muqolli

Photo By Avni Selmani

Aktori Gent Hazizi

Photo by Avni Selmani